تزييق الدبرياج رجع تانى . اعمل ايه؟

معايا النترا كان ظهر قبل كدة صوت تزييق الدبرياج ولما روحت الصيانة اللى فاتت عملوه والصوت راح وبعدين رجع تانى فى فترة قريبة. فيه اعضاء على المنتدى قالو ان دة عيب بلية الدبرياج فا مش عارف بقى اقولهم ايه فى الصيانة اللى جاية وخصوصا ان دلوقت بلاقى صعوبة شوية فى ظبط الدبرياج مع البنزين عشان العربية متنطورش او صوت الموتور يعلى. فى الاول مكنش موجود الموضوع ده وكانت العربية سلسه. دة غير ان انا حاسس ان صوت الموتور عالى عن الاول من ساعة مغيرت البوجيهات فى التوكيل مش عارف دة عادى ولا ايه؟
ارجو الافادة واسف للاطالة
وشكرا للجميع

بخصوص الدبرياج
جيب طقم دبرياج اللى هو اسطوانه وديسك وبليه وريح نفسك

يعنى اروح اقولهم انى عايز اغير طقم الدبرياج كله ؟

اكيد هيخترعو اى حجة عشان ميتغيرش ويصلحوه كدة اى كلام عشان العربية فى الضمان

السلام عليكم ورحمة الله و بركاته
مشكله حضرتك مش طقم ديبرياج نهائي لأن أعراض تلف طقم الديبرياج أغلبها بتظر في سحب السياره وسلاسه النقلات وخلافه
أما التزييق ده بيكمن في أن رباط الديبرياج بيحل شويه مع السير بالاضافه لتكون الغبار والتراب علي مكان مفصل الديبرياج فيصدر صوت فالحل هو موضوع أسمه الريجلاش لكن ممكن يرجع تاني
أما بالنبه لتأثير مشكله الصوت والتزييق علي سلاسه القياده فهي مرتبطه بعامل نفسي بنسبة كبيره وهي أنتظارك إلي أن تسمع صوت اديبرياج وعدم التركيز مع السياره
أما علو صوت الموتور فــ ممكن حضرتك تراجع عداد الأر بي أم ... عدد لفات الموتور ... فإن كان أقل من ال 1 وبين 8 و9 فصوت الموتور مظبوط أما إن كان أعلي من 1 بعد التسخين فأحساسك صائب

شكرا لحضرتك على المعلومات القيمة.
بالنسبة لصوت التزييق اللى فى الدبرياج بيبقى من برة ( ناحية الكبوت ) مش من جوة
بالنسبة لل ار بى ام بيبقى مضبوط بس الصوت بتاع الموتور مش ناعم زى الاول وخصوصا بعد الصيانة اللى فاتت ( كان فيها تغيير بوجيهات وفلتر هواء) والصوت زى ما يكون ( كررررررررررررررررر ) بسمعه طبعا وانا قافل الازاز وفى الهدوء.
وفيه حاجة كمان انا لما بهدى واخد مطب صناعى كنت بخده عادى وانا على الغيار التانى ومفيش مشكلة انما دلوقت بحس العربية بتسقف ( تكركر ) وعايزة تبطل فا بلحقها على طول.
ارجو الافادة وشكرا

اقتباس:

---

المشاركة الأصلية كتبت بواسطة top_10group

بالنسبة لل ار بى ام بيبقى مضبوط بس الصوت بتاع الموتور مش ناعم زى الاول وخصوصا بعد الصيانة اللى فاتت ( كان فيها تغيير بوجيهات وفلتر هواء) والصوت زى ما يكون ( كررررررررررررررررر ) بسمعه طبعا وانا قافل الازاز وفى الهدوء.

---

ربما يكون احد البوجيهات فاصل أو به تهريب كهرباء

حدث معى مره بعد غسيل الموتور لقيته شغال ( تلاته ) واتضح ان المشكله هى تسرب كمية
من المياه والمنظف الى تجويف احد البوجيهات بسبب عد احكام الجوان بتاعه وبعد تجفيفها رجعت طبيعيه .

اقتباس:

---

المشاركة الأصلية كتبت بواسطة top_10group

شكرا لحضرتك على المعلومات القيمة.
بالنسبة لصوت التزييق اللى فى الدبرياج بيبقى من برة ( ناحية الكبوت ) مش من جوة
بالنسبة لل ار بى ام بيبقى مضبوط بس الصوت بتاع الموتور مش ناعم زى الاول وخصوصا بعد الصيانة اللى فاتت ( كان فيها تغيير بوجيهات وفلتر هواء) والصوت زى ما يكون ( كررررررررررررررررر ) بسمعه طبعا وانا قافل الازاز وفى الهدوء.
وفيه حاجة كمان انا لما بهدى واخد مطب صناعى كنت بخده عادى وانا على الغيار التانى ومفيش مشكلة انما دلوقت بحس العربية بتسقف ( تكركر ) وعايزة تبطل فا بلحقها على طول.
ارجو الافادة وشكرا

---

العفو يا فندم
أولا كده طمنتي علي الار بي أم
بالنسبه للبوجيهات ممكن تكون مرطبه أو مخزنه ولكني أشك في ذلك إن تم ذلك في التوكيل مش علشان سواد عيون التوكيل لا علشان كل البوجيهات في التوكيل جديده الانتاج بأستمرار لأستهلاكه أعداد كبيره يوميا
أما غن كانت تم التغير خارج التوكيل أنصح حضرتك تغير البوجيهات و إن شاء الله المشكله تتحل
أما بخصوص مشكلة التسقيف فأي عربيه في الدنيا لما تديها غيار أعلي من احتياج السرعه وتكبس بنزين لازم تسقف
طب هاتقولي ما أنا كنت بعمل كده قبل الصيانه ومكنتش بتسقف هاقول لحضرتك ممكن الظروف كانت مختلفه من ضغط الدواسه و السرعه اللي حضرتك عليها
و لو حضرتك سمحت ممكن تقولي أنت بتغسل الموتور ولا لأ وآخر مره غسلت الموتور كانت أمتي؟
لكن نصيحه لما تهدي أبقي أنزل للغيار المناسب وحاول تشبع الغيار من غير حرق
وأبقي طمنا عملت أيه

بمناسبة البوجيهات فية مكان مضمون ممكن الواحد يشترى منة طقم ngk عشان موضوع الرطوبه

ويعمل كام دلوقتى

واية الفرق بين العادة والإيريديوم

شكرا لحضراتكم جميعا
واشكرك استاذ حسام لمتابعتك معايا
بالنسبة للصيانة اللى فاتت كانت فى التوكيل ( واللى مضايقنى الصوت بس عشان مكنش كدة فى الاول فخايف يكون فيه حاجة اما لو مفيش حاجة مش هيفرق معايا الصوت خالص وهتعود عليه عادى وبالنسبة لسحب العربية كويس جدا لان متهيالى لو البوجيهات فيها حاجة هتفرق معايا فى السحب .
بالنسبة لصوت تزييق الدبرياج فيه ناس خوفتنى ان ممكن تطلع بلية دبرياج او الطقم كله
بالنسبة لغسيل موتور العربية هما بيغسلوه فى التوكيل بالفوم وانا طبعا بخاف اغسله برة وعلى فكرة العربية عاملة دلوقت 25 الف كيلو

العفو حضرتك مفيش بيننا شكرا نحن أخوة
وممكن حضرتك تطلع علي التوكيل وهناك هيعملوا الازم
وقولهم هناك علي كل ما تشتكي منه علشان حضرتك لسه عامل صيانه فحرام الصيانه أدفع فيها فلوس وتجيب نتيجه عكسيه معايا
وعلي فكره لو العربيه في الضمان هايغيرو لحضرتك طقم الديبرياج لو فيه حاجه وببلاش وقولهم أن البوجيهات لسه متغيره و شاكك فيها
وبالتوفيق
و طمنا علي حضرتك

ان شاء الله لما اروح الصيانة هبقى اقولك على اللى حصل
ومتشكر جدا لاعضاء المنتدى الكرام